ඔව් සතියේ දිනපතාම මාව දකින නිසා මා ගැන කතාබහ වෙනවා. පබසරා ටෙලි නාට්‍යයේ පබසරා හැටියටත්, ‘සඳසාවි’ ටෙලි නාට්‍යයේ ප්‍රියංවදා හැටියටත්, ‘ඉසිවරුණ’ ටෙලි නාට්‍යයේ දිව්‍යා හැටියටත් රංගනයෙන් දායක වෙනවා.
‘පබසරා’ ඔබගේ රංගනය දිවියට වෙනසක් වේවිද?
අනිවාර්යයෙන්ම මම හිතනවා ‘පබසරා’ මට විශේෂයක් කියලා. මං රඟපෑ අනෙක් චරිතවලට වඩා
කොහොමද පබසරාට ලැබෙන ප්‍රතිචාර?
ටෙලි නාට්‍යය විකාශය වී වැඩි කාලයක් නෑ තවම. ඒත් බලාපොරොත්තු නොවූ විදියට හොඳ ප්‍රතිචාර මට ලැබෙනවා. මට ගොඩාක් සතුටුයි. ෆේස් බුක් එකේ මගේ රසිකයන් වගේම විදේශීය රසිකයන්ගෙන් පවා මට හොඳ ප්‍රතිචාර ලැබෙනවා.
නාගරික පරිසරයක හැදුණු වැඩුණු ඔබ ‘පබසරා’ට සාධාරණයක් ඉටු කළයි කියලා හිතනවාද?
ඇත්තටම ඔව්. ලැබෙන ප්‍රතිචාරත් එක්ක සාධාරණයක් ඉටු කළා කියලා හිතනවා. මට ගස් නඟින්න වුණා. හරක් බලාගන්න වුණා. ඒවා නුහුරු වුණත් නාට්‍යය කණ්ඩායමේ සියලු දෙනාගෙන් සහාය මට ලැබුණා.
සැබෑ ජීවිතයේදී නිපුණිකා පබසරාට සමාන චරිතයක්ද?
පුංචි පුංචි සමානකම් තියෙනවා. පබසරා උත්සාහවන්තයි. පුංචි දේකටත් දුක හිතෙනවා. පබසරා වගේම සරල නිහතමානී කෙනෙක්.
නිවේදිකාවක් ලෙස පැමිණි ඔබ එයින් සමුගන්නද සූදානම?
කොහෙත්ම නැහැ. මට නිවේදිකාවක් වෙන්න ලොකු ආශාවක් තිබුණා. මම දැනටත් හිරු රූපවාහිනියේ කවුන්ට් ඩවුන් වැඩසටහන මෙහෙයවනවා.
සිනමාවට තවම ආරාධනා ලැබුණේ නැද්ද?
දැනට නම් ආරාධනාවක් නැහැ. හොඳ සිනමා නිර්මාණයකට දායක වීමේ අදහසක් තියෙනවා.
ජීවිතේ ආපස්සට හැරී බලද්දී මොකද ඔබට හිතෙන්නේ?
හරිම සතුටුයි. පුංචි වයසකදී මට ගොඩාක් දේවල් කරගන්න ලැබුණා. සියල්ලටම වඩා ජනතා ආදරය පිළිගැනීම ලැබෙද්දී ලොකු සතුටක් දැනෙනවා මට.
රංගනයේදී ඔබ චරිත තෝරා ගැනීමක් සිදු කරනවාද?
අනිවාර්යයෙන්ම. ලොකු තෝරා ගැනීමක් කරනවා. හොඳ නිර්මාණ පිටපතක් එයින් මට යමක් කළ හැකි වෙනස් විදියේ චරිතයක් නම් අනිවාර්යයෙන්ම භාර ගන්නවා. පෙම්වතුන්ගේ චරිත හැර.
රංගනයේදී පෙම්වතියක් ලෙස දකින ඔබ සැබෑ ජීවිතේදී පෙම්වතියක්ද?
ඔව්. මම පෙම්වතියක්. අපේ ප්‍රේම සම්බන්ධයට වසර තුනක පමණ කාලයක් වෙනවා. මම හොයපු හොඳ ආදරයක් මට ලැබුණා. එය ගැන මා නිහතමානීව සතුටු වෙනවා.
මේ තරම් දුර ගමනක් යන්න අත්වැලක් වුණු පිරිස කවුද?
මට දූවරු ටෙලි නාට්‍යයට සම්බන්ධ වීමට අවස්ථාව ලැබුණේ විශ්ව ලංකා අයියා නිසා. ඔහුව විශේෂයෙන් මතක් කරනවා. ඒ වගේම ටෙලි නාට්‍ය අධ්‍යක්ෂ නාලන් මෙන්දිස්, විමලරත්න අධිකාරි, සංජය ගුණවර්ධන, ජෝෂප් ජෙරමි, සමන් කුමාර ලියනගේ ඇතුළු මගේ ගමනට හරි වැරැදි කියා දුන් සියලුම දෙනාට මේ මොහොතේ හදවතින්ම ස්තුති කරනවා.
No comments:
Post a Comment